From one of the first music shows produced by the Icelandic national TV in 1976. The show was called \"In the basement\". Bergþóra Árnadóttir appearing for the first time on TV in Iceland.\n\nEFTIRMÆLI\nLjóð: Steinn Steinarr\n\nÞú varst bæði auralaus og illa klæddur maður,\nmeð afar stóra fætur og raunalegar hendur.\nÞú hafðir enga þýðingu í þjóðmálum sem slíkur,\nog það veit enginn til hvers þú varst í heiminn sendur.\n\nOg sjaldan heyrðist talað um sálargáfur þínar,\nog sennilegt þær hafi frekar lítinn ávöxt borið.\nÞú þekktir hvorki leyndardóma þessa heims ná annars.\nOg það var ekki meira en svo að þú kynnir Faðirvorið.\n\nÞú reyndir samt að bjarga þér. Og fékkst á yngri árum\nvið arðberandi fiskirí í Grindavík og Leiru.\nEn svo var eins og lukkan hefði lagt sig ögn til hliðar,\nþað lögðust á þig veikindi og skuldir, ásamt fleiru.\n\nÞú áttir jafnvel stundum býsna örðugt með að lifa\nog ennfremur var tóbaksleysið kunnugt heima hjá þér.\nOg giktin, sem er launráð og lymskufull í skapi,\nhún lagðist oft svo herfilega þungt í bakið á þér.\n\nÞú kyntir stundum miðstöð fyrir kaupmanninn og prestinn,\nog kaupið þitt var hærra en þér bar, að réttu lagi,\nþað var samt lítill vafi, að þig langaði í meira.\nÞú lézt þér jafnvel sæma að kvarta um eigin hagi.\n\nÞað sást þó bezt í vetur, er þú týndir tóbaksbauknum\nog tíkin komst í grautinn, sem læknisfrúin gaf þér,\nhve hugur þinn var bundinn við heimsins lystisemdir,\nog hörmulega lítils við gátum vonazt af þér.\n\nÞú gerðist oft svo djarfur, að tala um toll á kaffi\nog taldir þetta glæpsamlegt af stjórnarherrum landsins,\nen slíkt er ekki ráðlegt fyrir ræfla af þínu tagi,\nog reynist jafnvel skaðlegt fyrir trúargleði mannsins.\n\nÞér hlotnuðust þó molarnir af höfðingjanna borðum,\nen hamingjan má vita hvort þú skildir miskunn slíka,\nog hvort þú hefir lifað samkvæmt lögmáli vors herra,\nsem lætur þorskinn veiðast fyrir fátæka sem ríka.\n\nEn loksins ertu dauður, þú lítilsigldi maður,\nog laun þín eru náttúrlega sanngjörn eins og hinna.\nVið ætlum hvorki að forsmá þig né fella þunga dóma.\nÞér fylgir inn í eilífðina kveðja bræðra þinna.

<a href="http://www.my1video.com/video-C8FJ59zdSFA-Bergþóra_Árnadóttir__Icelandic_folk_singer.html">More Free Videos Here</a><br /><object width="425" height="350"><param name="movie" value="http://www.youtube.com/v/C8FJ59zdSFA"></param><param name="wmode" value="transparent"></param><embed src="http://www.youtube.com/v/C8FJ59zdSFA" type="application/x-shockwave-flash" wmode="transparent" width="425" height="350"></embed></object>